Este blog recompila unha serie de recursos TIC xa existentes na rede para os alumnos de Educación Infantil. Coa súa creación pretendemos complementar o traballo diario das nosas aulas, facéndoo máis motivador e dinámico.
Tentaremos facer unha selección de enlaces a páxinas de xogos e actividades de diferentes contidos que contribúan ao desenvolvemento dos nenos e á súa aprendizaxe significativa. Este espazo quere ser un punto de encontro de recursos, é dicir, pretendemos que sexa un blog aberto ás propostas de todas e todos. Esperamos que vos sexa unha ferramenta de axuda no voso día a día coas nenas e nenos.
MANEXO DO RATO
- Nubes. - Para o inicio do movemento do rato. Hai que evitar que as nubes cubran a pantalla.
- Xardín. - Para iniciarse co clic do rato. Ao facer clic aparecen flores no xardín.
- Manequín. - Xogo para coordinar o clic co movemento do rato. Hai que mover o manequín.
- Cazador de moscas. - Para traballar a direccionalidade e o clic co rato.
- Boohbah. - Moita variedade de xogos para traballar co rato.
- O formigueiro. - Traballa o clic e o arrastre co rato. Hai que levar a cada formigueiro un número determinado de formigas.
LECTOESCRITURA
- Vogais. - Varios xogos para traballar as vogais.
- Completar con maiúsculas. - Completar as palabras coa vogal ou consoante que falta.
- Identificación de maiúsculas. - Xogo moi sinxelo de identificación das letras maiúsculas.
- Maiúsculas. - Identificar o debuxo que comeza por cada letra. No nivel 4 hai que escribir palabras.
- Completar contos. - Un complétase coas imaxes das palabras que faltan; o outro coa letra que falta; e no último hai que ordenar as sílabas da palabra correspondente.
- Minúsculas. - Conxunto de xogos moi completo para o traballo da lectura e grafía las letras minúsculas e dos grupos consonánticos.
- Pandilla de letras. - Ampla gama de actividades coas letras. Presenta o abecedario, traballa as sílabas, os sons e ten moitos exercicios de diversas dificultades. (Ten unha parte dedicada aos alumnos e outra aos docentes).
LÓXICA MATEMÁTICA
- Conceptos básicos. - Xogos variados que traballan os conceptos básicos: diante - detrás; aberto - pechado...
- Figuras xeométricas. - Identificación de figuras xeométricas iguais a un modelo dado.
- Coellos. - Percepción visual. Identificación de cada coello segundo a forma do seu contorno. (Vainos contando en inglés).
- Regretas de Cuisenaire. - Todo tipo de actividades coas regretas e cos números. Tamén ten fichas para imprimir.
- Ábaco. - Iniciación á utilización do ábaco.
- Debuxos escondidos. - Identificación da serie numérica do 1 ao 26. Ao ir facendo clic nos números, fórmase un debuxo.
- Moedas. - Xogo moi sinxelo de sumar moedas.
- Contar e sumar. - Xogo moi sinxelo para contar obxectos e facer sumas.
- Sumas dunha cifra. - Operacións de sumar cunha soa cifra.
XOGOS VARIADOS
- Catro xogos. - Xogos moi sinxelos: un puzzle, dous de identificar formas e un de emparellar vogais.
- Fervello. - Xogos variados cos personaxes da familia Fervello.
- A máquina dos sentidos. - Traballa os sentidos.
- As 5 diferenzas. - Xogo de buscar diferenzas entre dúas imaxes.
- Nube de algodón. - Varios xogos que traballan conceptos básicos, o corpo, cores..
MÚSICA
- Educalandia - Dentro podes atopar numerosas actividades, pero destacamos o Bosque das actividades, onde hai moitos exercicios adicados á estimulación musical.
- O Rincón da Música - Ondes tedes dende explicacións teóricas ata actividades prácticas e audicións.
- Música - Nesta páxina hai moitos enlaces onde podemos traballar dende a percepción auditiva ata a danza e o movemento.
No hay comentarios:
Publicar un comentario